Читать книгу Молитвы Блаженной Матроне Московской онлайн

Аминь.

О блаженная мати Матроно, душею на небеси пред Престолом Божиим предстоящи, телом же на земли почивающи, и данною ти свыше благодатию различныя чудеса источающи. Призри ныне милостивным твоим оком на ны, грешныя, в скорбех, болезнех и греховных искушениих дни своя иждивающия, утеши ны, отчаянныя, исцели недуги наши лютыя, от Бога нам по грехом нашим попущаемыя, избави нас от многих бед и обстояний, умоли Господа нашего Иисуса Христа простити нам вся наша согрешения, беззакония и грехопадения, имиже мы от юности нашея даже до настоящаго дне и часа согрешихом, да твоими молитвами получивше благодать и велию милость, прославим в Троице Единаго Бога, Отца, и Сына, и Святаго Духа, ныне и присно и во веки веков.

Аминь.

Величание

Величаем тя, святая праведная старице Матроно, и чтем святую память твою, ты бо молиши о нас Христа Бога нашего.

Кондак

К служению Христову от чрева матерня предызбранная, праведная Матроно, стезею скорбей и печалей шествующи, твердую веру и благочестие явивши, Богу угодила еси. Темже, почитающе память твою, молим тя: помози и нам в любви Божии пребывати, старице блаженная.

Тропарь Матроне блаженной

Земли Тульския прозябение, града Москвы ангелоподобная воительнице блаженная старице Матроно.

От рождения в слепоте телесней до конца своих дней пребывшая. Но от Бога щедро духовное зрение приявшая, прозорливице и молитвеннице. Наипаче дар исцеления болезней стяжавшая.

Помогай всем с верою к тебе притекающим и просящим в болезнех душевных и телесных, радосте наша.

Тропарь Матроне блаженной, Московской

Богом умудренную блаженную старицу Матрону, земли Тульския процветение и града Москвы преславное украшение, восхвалим днесь, вернии.

Сия бо света дневнаго не познавши, светом Христовым просветися и даром прозрения и исцеления обогатися. Пресельница же и странница на земли бывши, ныне в чертозех небесных Престолу Божию предстоит и молится о душах наших.

По молитвам святой блаженной Матроны случилось чудо: пришла помощь в самых безнадежных ситуациях, когда исчезла всяческая надежда, когда бессильны врачи, когда нет выхода, когда трудности сковали в плотное кольцо, когда поставлен страшный диагноз, когда душа изнемогает от уныния и одиночества и сердце просит послать спутника или спутницу жизни, когда дом пуст без детского смеха, – тогда приходит помощь святых, которые предстоят перед Господом и молятся за нас, грешных.